牧羊少年咖啡館-久違高質餐廳
話說呢間cafe係香港開左好耐，一直都冇機會去試，一係諗唔起🤣一係就太多人排隊，星期日出街食飯決定要試一次，竟然只係等30張枱就可以排到，仲要好快就到！點可以唔試呢🥹
首先講下餐廳🍴今次食屯門市廣場店：環境好讚，唔迫、乾淨、服務到位，好多店員一叫就到，加水攞茄汁快靚正！好抵讚👍👍👍
今次試左：
豆漿素肉醬意大利🇮🇹粉🍴
清淡人士首選，留意番、清淡唔代表冇味，碟野有香濃番茄🍅味，意大利粉有咬口，呀女好愛食、清碗😂信心保證！
冬陰功海鮮長通粉🐙🦐🍴
好耐冇食過好味既冬陰功菜式☝️好香冬陰功味，醬汁極度濃郁，超重口味，可惜食到最後小鹹，減小小鹽就101分，而家都有90分，海鮮有八爪魚仔、蝦🦐、蟹柳，全部好新鮮一啲都唔hea，加上雜菌、有咬口長通粉！十分滋味！
小食拼盤🥓🍔🥪🫔🌯🌮
香腸、雞翼、春卷、八爪魚丸同番薯🍠薯條🍟，完全估唔到係番薯薯條最好食😂雞翼個粉太勁胡椒粉味重手左，仲要好油，一般般，其他正常，$138對得住個價錢。
牛奶可可朱古力🍫
密度好高好濃郁！
花生風暴🥜
有手工啤酒🍻唔叫我竟然會叫有cream既飲品😂冇伏，好香花生味，沙冰口感再加咖啡☕️，好夾，密度又係好高飲完勁飽😇
京都春日
個名幾靚😂😂😂其實係士多啤梨🍓雪糕鍋夫，好香蛋味，加雪糕🍦生果，不敗組合！
留言
張貼留言