美食推介：觀塘火鍋仔火鍋私房菜

美食推介：

觀塘火鍋仔火鍋私房菜

我食私房菜經驗係零，呢間「觀塘火鍋仔火鍋私房菜」係家人的招牌好地方，呢間隱世小店我形容為，「只要想食好野，想要打邊爐」就會諗起的地方。

地方位於觀塘的工業中心，地方細細，主要係主打手工高質食物，所有食材即叫即準備，新鮮就係基本，完全食的出老闆用心準備處理所有食物! 最離譜係多次幫襯食物都完全無伏，完全對得住個價錢。

老闆十分友善，超級吹得，如果想自來食材想處理或要食特別海鮮，千萬唔好怕醜訂位時要同老闆講，因為好野如象拔蚌係真係會賣哂的!或者好似豬潤，上次食好味到傻，今次唔記得訂就真係無了so sad!

今次叫了胡椒豬肚湯底，大家請飲湯先，不得了勁香胡椒味，大豆芽清甜，豬肚夠淋又入味!

象拔蚌刺身 老闆會問你想食切片定切條，強烈推薦要切條，新鮮到......又爽口.....口感十足又甜!

手切牛肉
起雙飛，口感十足，你睇下牛肉油花你就知了!

泰式生蝦
新鮮，爽脆，甜，加上泰式辣汁係食唔停的!

聖子皇
真係「皇」級大細，夠哂大啖啖肉，新鮮又係好基本，清潔得十分乾淨，完全沒有沙泥，你有自己洗過聖子就明我講咩了!

蜆 又大，又肥，火蜆肉十分juicy，一粒沙都無!

即炸響鈴 
金響鈴，皮層鬆脆，完全唔油又勁熱，就咁食就掂。放湯到拖一拖，又得!

即炸魚片頭，脆炸墨魚餅
小食送酒，只會覺得唔夠食，魚片頭墨魚餅又係好新鮮，炸得夠哂香脆，墨魚餅食到粒粒墨魚有口感!

即炸魚腐，我就食左一粒，好香好軟淋，相都未影就無哂=.=

觀塘火鍋仔火鍋私房菜 地址：觀塘開源道55號開聯工業中心A座2樓11室 電話：2389 0008 (請提早book位全爆是常識的)

【大家記得留意我地BLOGGER 同訂閱我地Channel呀!】 米家之生活、遊玩、飲食 youtube channel - https://www.youtube.com/channel/UCiwYCOWB2VpxMF6NONlm12g/featured 米家生活 Blogger - https://hklikekorea.blogspot.com/ 米Channel - 遊戲分享 - https://www.youtube.com/channel/UC6ikViQs__RhmXv4ZjHs8SA/featured Mike Family IG: https://www.instagram.com/mifamhk/ ▪️▫️▪️▫️▪️▫️▪️▫️▪️▫️▪️▫️▪️▫️▪️▪️▫️▪️▫️▪️▫️▪️▫️▪️▫️▪️▫️▪️▫️▪️▪️▫️▪️▫️▪️▫️▪️▫️▪️▫️▪️▫️▪️▫️▪️▪️▫️▪️▫️▪️▫️▪️▫️▪️▫️▪️▫️▪️▫️▪️▪️▫️▪️▫️▪️▫️▪️▫️▪️▫️▪️▫️▪️▫️▪️ #觀塘火鍋仔火鍋私房菜 #火鍋仔 #私房菜 #火鍋 #ASMR #food #foodporn #foodie #foodstagram #foodgasm #foodblogger