散水「茶」介紹：樽仔雪梨桂花茶

散水「茶」介紹：樽仔雪梨桂花茶

講起工作最後一日，辭職又好升職又好調職又好，大家最頭痕都係諗下派乜作為小小心意，因為今日不見不代表永不相見，他日還有機會碰頭再做同事，又或者有一日做埋你上司！

為了好聚好散，派餅派禮物似乎是不可缺少的禮數，收得最多一般都係幾蚊件西餅，再行啲蛋撻攪掂。

男人老狗無咩感情一般都係一啖落肚，還記得最近一次最有印象就係收到一件好好味得窩夫，其他都不記得了！太耐無行街，有好多新資訊都接收唔切，原來依家年輕同事會派散水「茶」，華麗樽仔包裝配上吸睛「江湖再見」，樽蓋花同Thank you紙牌都好靚，送既同事真係好有心思同心意，如果有輪到我的一日我一定會照抄呢位朋友既想法！

祝你身體健康，工作順利

年青人想法真多，老餅人諗住得散水餅，原來依家有散水「茶」！